வலிந்து காணாமல் ஆக்கப்பட்டவர்களின்உறவுகள் கிளிநொச்சியில் ஆர்ப்பாட்டமொன்றினை முன்னெடுத்திருந்தனர்.
குறித்த ஆர்ப்பாட்டம் கிளிநொச்சியில் அமைந்துள்ள வலிந்து காணாமல் ஆக்கப்பட்டவர்களின் சங்கத்திற்கு முன்பாக இன்று (ஞாயிற்றுக்கிழமை) இடம்பெற்றது.
ஏ-9 வீதியில் அருகில் சுமார் ஒரு மணிநேரம் வரை இடம்பெற்ற இந்த ஆர்ப்பாட்டத்தின்போது, காணாமல் ஆக்கப்பட்ட தமது உறவுகள் விடயத்தில் அரசாங்கம் கடந்த 4 வருடங்களாக எந்தவொரு கரிசனையையும் காட்டவில்லை என்று குற்றஞ்சாட்டப்பட்டது.
மேலும், இனியும் இதனை இழுத்தடிக்காமல் விரைவில் உரிய பதிலை வழங்க, அரசாங்கத்துக்கு சர்வதேசம் அழுத்தம் கொடுக்க வேண்டும் என்றும் கோரிக்கை விடுக்கப்பட்டது.
