கொரோனா தொற்று காரணமாக கனடாவிற்கும் அமெரிக்காவிற்கும் இடையிலான உலகின் மிக நீளமான சர்வதேச எல்லை எதிர்வரும் ஜனவரி மாதம் 21ஆம் திகதி வரை மூடப்படவுள்ளது.

கனேடிய பிரதமர் ஜஸ்டின் ட்ரூடோ இதுகுறித்த தகவலினை வெளியிட்டுள்ளார்.

கொரோனா வைரஸ் பரவலை குறைக்க மார்ச் மாதத்தில் எல்லை ஆரம்பத்தில் மூடப்பட்டது.

அதன் பின்னர் மாதந்தோறும் மூடல் புதுப்பிக்கப்பட்டது. அத்தியாவசிய பொருள் வர்த்தகம் மற்றும் அவசரகால பயணங்கள் மட்டுமே அனுமதிக்கப்படுகிறது.

இதேவேளை, அமெரிக்காவிற்கும் மெக்ஸிகோவிற்கும் இடையிலான எல்லையும் ஜனவரி 21 வரை மூடப்படவுள்ளதாக அறிவிக்கப்பட்டுள்ளது.

 கனடாவில் கொரோனா வைரஸ் தொற்றினால், பாதிக்கப்பட்டவர்களின் எண்ணிக்கையில் மேலும் அதிகரிப்பு ஏற்பட்டுள்ளது.

அண்மைய உத்தியோகபூர்வ புள்ளிவிபரங்களின் படி, கனடாவில் 04 இலட்சத்து 75 ஆயிரத்து 214 பேர் பாதிக்கப்பட்டுள்ளனர்.

அத்துடன், கடந்த 24 மணித்தியாலங்களில் மாத்திரம் 06 ஆயிரத்து 352 பேர் பாதிக்கப்பட்டுள்ளதுடன், 106 பேர் உயிரிழந்துள்ளனர்.

அங்கு மொத்தமாக இதுவரை 13 ஆயிரத்து 659 பேர் உயிரிழந்துள்ளதாகவும் தெரிவிக்கப்பட்டுள்ளது.

கொரோனா வைரஸ் (கொவிட்-19) தடுப்பூசி குறித்து, ஒன்றாரியோவுக்கு விரைவில் மத்திய அரசாங்கத்திடமிருந்து பதில்கள் தேவை என டக் ஃபோர்ட் வலியுறுத்தினார்.

நேற்று (திங்கட்கிழமை) இடம்பெற்ற ஊடகவியலாளர் சந்திப்பின் போதே அவர் இதனைத் தெரிவித்தார். இதன்போது அவர் மேலும் கூறுகையில்,

‘தடுப்பூசிகள் எப்போது வரும், அவற்றில் எத்தனை பெறப் போகிறது, அவை எந்த வகையான தடுப்பூசிகள் என்று தனக்கு இன்னும் தெரியாது.

நாங்கள் நாளை தடுப்பூசிகளைப் பெறுகிறோம் என்பதை கடைசி நிமிடத்தில் நாம் கண்டுபிடிக்க முடியாது. நாங்கள் அந்த மூன்று பதில்களையும் சொல்ல மத்திய அரசாங்கத்திடம் கேட்கிறோம். நீங்கள் எனக்கு ஒரு விநியோகத் திகதியை கொடுக்க முடியாது? இல்லை, இது ஏற்றுக்கொள்ள முடியாதது’ என கூறினார்.

 

 கனடாவில் கொரோனா வைரஸ் (கொவிட்-19) பெருந்தொற்றினால், கடந்த 24 மணித்தியாலத்தில் மட்டும் ஆயிரத்து 827பேர் பாதிக்கப்பட்டதோடு, 14பேர் உயிரிழந்துள்ளனர்.

கொரோனா வைரஸ் தொற்றால் பாதிக்கப்பட்ட 28ஆவது நாடாக விளங்கும் கனடாவில், இதுவரை ஒரு இலட்சத்து 98ஆயிரத்து 148பேர் மொத்தமாக பாதிக்கப்பட்டுள்ளனர். மேலும், மொத்தமாக 9ஆயிரத்து 760பேர் உயிரிழந்துள்ளனர்.

மேலும், 21ஆயிரத்து 276பேர் மருத்துவமனைகளில் சிகிச்சை பெற்று வருகின்றனர். அத்துடன் இதுவரை ஒரு இலட்சத்து 67ஆயிரத்து 112பேர் பூரண குணமடைந்து வீடு திரும்பியுள்ளனர்.

இதில் 188பேரின் நிலை மிகவும் கவலைக்கிடமாக இருப்பதாக மருத்துவமனை வட்டாரங்கள் தெரிவிக்கின்றன.

 ஒன்றாரியோ தெற்கில் நகரத்திற்கு வெளியே உள்ள வாடிக்கையாளர்கள் அமர்ந்து உணவருந்துவதிலிருந்து தடுக்கும் கடுமையான கட்டுப்பாடுகள் விதிக்கப்பட்டுள்ளன.

ஒன்றாரியோவின் ஸ்ட்ராட்போர்டில் நான்கு உணவகங்கள் மற்றும் மதுபானசாலைகள் வைத்திருக்கும் ராம்ஷாகில் இண்டஸ்ட்ரீஸ், ஜூன் மாதத்தில் உணவகங்கள் மீண்டும் திறக்கப்பட்டபோது இந்தக் கொள்கையை முதலில் அறிமுகப்படுத்தியது. இந்த கோடையில் தொற்றுநோய் குறைந்து வருவதால் மெதுவாக அதைத் திரும்பப் பெற்றது.

இப்போது கொவிட்-19 தொற்றின் இரண்டாவது அலைக்கு மத்தியில் ரொறன்ரோ, யோர்க் மற்றும் பீல் பிராந்தியங்கள் மற்றும் ஒட்டாவாவில் மாகாணம் மீண்டும் கடுமையான கட்டுப்பாடுகளை அறிமுகப்படுத்தியுள்ளது.

இந்த விதி மீண்டும் நடைமுறைப்படுத்தப்படுவதாக ராம்ஷாகில் உரிமையாளர் ஜெஸ்ஸி வோட்டரி கூறினார்

 கனடாவில் 8.5 மில்லியனுக்கும் அதிகமான மக்களுக்கு கொரோனா வைரஸ் (கொவிட்-19) பரிசோதனை மேற்கொள்ளப்பட்டுள்ளதாக, மத்திய அரசாங்கத்தின் சமீபத்திய தரவுகள் தெரிவிக்கின்றன.

கடந்த 17ஆம் திகதி வெளியிடப்பட்ட தரவுகளின் படி, பல மில்லியன் கனேடியர்கள் சுவாச நோயை சரிபார்க்க உள்ளூர் சுகாதார மையங்களுக்கு சென்றுள்ளனர்.

இதில், பரிசோதிக்கப்பட்டவர்களில் மொத்தம் 196,321 பேர் சாதகமான முடிவைப் பெற்றுள்ளதாக தெரிவிக்கப்பட்டுள்ளது.

இது ஒட்டுமொத்தமாக 2.2 சதவீதம் நேர்மறையானது என தலைமை பொது சுகாதார அதிகாரி டாக்டர் தெரசா டாம் தெரிவித்தார்.

கொரோனா வைரஸ் தொற்றால் பாதிக்கப்பட்ட 28ஆவது நாடாக விளங்கும் கனடாவில், இதுவரை ஒரு இலட்சத்து 98ஆயிரத்து 148பேர் மொத்தமாக பாதிக்கப்பட்டுள்ளனர். மேலும், மொத்தமாக 9ஆயிரத்து 760பேர் உயிரிழந்துள்ளனர்.

 ஹொங்கொங்கில் தேசிய பாதுகாப்பு சட்டத்திற்கு எதிராக போராடும் முன்னணி ஜனநாயக செயற்பாட்டாளர்களுக்கு கனடா புகலிடம் அளித்தால் அது சீனாவின் உள் விவகாரங்களில் தலையிடுவதாகும் என கனடாவிற்கான சீன தூதர் காங் பீவு எச்சரித்தார்.

ஹொங்கொங்கில் சீனா விதித்த தேசிய பாதுகாப்பு சட்டம் பரவலாக விமர்சிக்கப்பட்டு வருகின்ற நிலையில், இதுகுறித்து கனடாவிற்கான சீன தூதர் காங் பீவு கூறுகையில்,

“தேசிய பாதுகாப்பு சட்டத்திற்கு எதிராக போராடும் முன்னணி ஜனநாயக செயற்பாட்டாளர்கள் வன்முறை குற்றவாளிகள்.

எனவே கனடா தரப்பு உண்மையில் ஹொங்கொங்கில் ஸ்திரத்தன்மை மற்றும் வளர்ச்சி பற்றி அக்கறை கொண்டிருந்தால், ஹொங்கொங்கில் உள்ள 300,000 கனடா கடவுச்சீட்டு வைத்திருப்பவர்களின் நல்ல ஆரோக்கியம், பாதுகாப்பு மற்றும் ஹொங்கொங்கில் இயங்கும் கனடா நிறுவனங்களின் எண்ணிக்கையில் அக்கறை இருந்தால், வன்முறைக் குற்றங்களை எதிர்த்துப் போராடுவதற்கான அந்த முயற்சிகளை நீங்கள் ஆதரிக்க வேண்டும்” என கூறினார்.

கனடாவின் வெளியுறவு அமைச்சர் ஃபிராங்கோயிஸ்-பிலிப் ஷாம்பெயின், காங்கின் கருத்துக்களை முற்றிலும் ஏற்றுக்கொள்ள முடியாத மற்றும் குழப்பமானது என கூறினார்

 கொரோனா வைரஸ் (கொவிட்-19) தொற்று பரவல் அதிகரித்துள்ள நிலையில், வின்னிபெக்கில் புதிய கொவிட்-19 கட்டுப்பாடுகள் விதிக்கப்பட்டுள்ளன.

இந்த கட்டுப்பாடுகள் 19ஆம் திகதி திங்கட்கிழமை முதல் நடைமுறைக்கு வரும். மறு மதிப்பீடு செய்யப்படுவதற்கு முன் இரண்டு வாரங்கள் தொடரும்.

இதுகுறித்து தலைமை மாகாண பொது சுகாதார அதிகாரி டாக்டர் ப்ரெண்ட் ரூசின் கூறுகையில், ‘வீட்டு உறுப்பினர்களைத் தவிர, உங்கள் வீட்டில் இன்னும் ஐந்து பேரை மட்டுமே வைத்திருக்க முடியும் ஐந்து அல்லது அதற்கும் குறைவான மேசைகள் மட்டுமே உணவகங்களில் அனுமதிக்கப்படும்.

அடுத்து அனைத்து குளிர்பான அறைகள், பொழுதுபோக்கு வசதிகள், சூதாட்ட விடுதிகள் மற்றும் பிங்கோ அரங்குகள் மூடப்படும்.

கூடுதலாக, உணவகங்கள் மற்றும் சில்லறை கடைகள் 50 சதவீதம் திறனில் மட்டுமே செயற்பட அனுமதிக்கப்படும்.

தேவைப்படும் போது அபராதம் விதிக்கப்படலாம். எதிர்வவரும் வாரங்களில் அமுலாக்க முயற்சிகளை விரைவுபடுத்துவது குறித்து மாகாணம் ஆராயும்’ என கூறினார்.

 சீனாவின் மனித உரிமைகளை கனடா தொடர்ந்து பாதுகாக்கும் என பிரதமர் ஜஸ்டின் ட்ரூடோ தெரிவித்துள்ளார்.

ஹொங்கொங் ஜனநாயக சார்பு செயற்பாட்டாளர்களுக்கு கனடா அடைக்கலம் கொடுப்பது தொடர்பாக சீனத் தூதுவர் வெளியிட்ட எச்சரிக்கையின் பின்னரே அவர் இதனைத் தெரிவித்துள்ளார்.

மேலும், உலகெங்கிலும் உள்ள மனித உரிமைகளுக்காக நாங்கள் சத்தமாகவும் தெளிவாகவும் எழுந்து நிற்போம் என ட்ரூடோ குறிப்பிட்டுள்ளார்.

கனடாவிற்கான சீனாவின் தூதுவர் காங் பீவு கடந்த வியாழக்கிழமை கனடாவுக்கு எச்சரிக்கை ஒன்றை விடுத்தார். ஹொங்கொங் செயற்பாட்டாளர்களுக்கு கனடா புகலிடம் வழங்குவதை எதிர்த்தும், இதனால் கோட்பாட்டளவில் தன்னாட்சி பெற்ற சீனப் பிரதேசத்தில் வாழும் மூன்று இலட்சம் கனேடியர்களுக்கு சுகாதாரம் மற்றும் பாதுகாப்பில் ஏற்படக்கூடிய விளைவுகளை சுட்டிக்காட்டியும் அவர் கனடாவை எச்சரித்தார்.

கனடாவின் தி குளோப் அன்ட் மெயில் நாளேடு,  ஒட்டாவா சமீபத்தில் ஒரு ஹொங்கொங் தம்பதியினருக்கு புகலிடம் அளித்ததாகத் தெரிவித்திருந்தது. இந்நிலையில் இந்த விடயத்தை கனேடிய அரசாங்கம் உறுதிப்படுத்தவோ அல்லது மறுக்கவோ இல்லையென்ற பின்னணியில் சீனா இந்த எச்சரிக்கையை விடுத்தது.

இந்நிலையில் இரு நாடுகளுக்கிடையில் பதற்றங்கள் அதிகரித்துவரும் நிலையில், கனேடிய வெளியுறவுத்துறை அமைச்சர் பிராங்கோயிஸ் பிலிப் ஷாம்பெயின், சீனத் தூதுவரின் கருத்துக்களை முற்றிலும் ஏற்றுக்கொள்ள முடியாதது என தெரிவித்தார்.

இதேவேளை, அமெரிக்காவின் கோரிக்கைக்கு அமைய சீனாவின் ஹூவாவி தொலைத் தொடர்பு நிறுவனத்தின் தலைமை நிதி அதிகாரியான மெங் வான்ஷோவை கனடா கைதுசெய்த நிலையில் 2018 டிசம்பரில் இருந்து சீனாவுக்கும் கனடாவுக்கும் இடையிலான உறவுகளில் விரிசல் ஏற்பட்டுள்ளமை குறிப்பிடத்தக்கது.

கனடாவில் கொரோனா வைரஸ் (கொவிட்-19) பெருந்தொற்றினால், கடந்த 24 மணித்தியாலத்தில் 371பேர் கொரோனா வைரஸ் தொற்றினால் பாதிக்கப்பட்டதோடு, 2பேர் உயிரிழந்துள்ளனர்.

கொரோனா வைரஸ் தொற்றால் பாதிக்கப்பட்ட 25ஆவது நாடாக விளங்கும் கனடாவில், இதுவரை ஒரு இலட்சத்து 31ஆயிரத்து 495பேர் மொத்தமாக பாதிக்கப்பட்டுள்ளனர். மேலும், மொத்தமாக 9ஆயிரத்து 143பேர் உயிரிழந்துள்ளனர்.

மேலும், ஆறாயிரத்து 216பேர் மருத்துவமனைகளில் சிகிச்சை பெற்று வருவதோடு, ஒரு இலட்சத்து 16ஆயிராயிரத்து 136பேர் பூரண குணமடைந்து வீடு திரும்பியுள்ளனர்.

இதுதவிர, 54பேரின் நிலை மிகவும் கவலைக்கிடமாக இருப்பதாக மருத்துவமனை வட்டாரங்கள் தெரிவிக்கின்றன

எதிர்வரும் இலையுதிர் காலம் கொரோனா வைரஸ் (கொவிட்-19) தொற்றுநோய்களில் புதிய அபாயங்களைக் கொண்டு வரும் என்று கனடாவின் தலைமை பொது சுகாதார அதிகாரி டாக்டர் தெரேசா டாம் எச்சரிக்கை விடுத்துள்ளார்.

கோடைகாலத்தின் இறுதி நீண்ட வார இறுதியில், தங்கள் சொந்த ஆபத்து காரணிகளையும், நண்பர்கள் மற்றும் குடும்பத்தினருடன் எந்தவொரு நேரில் கூடிய கூட்டங்களுக்கான திட்டங்களின் விபரங்களையும் கருத்தில் கொள்ள வேண்டும் என வலியுறுத்தினார்.

ஒட்டாவாவில் இடம்பெற்ற ஊடகவியலாளர் சந்திப்பில் கலந்துக் கொண்டு கருத்து தெரிவிக்கையிலேயே டாக்டர் தெரேசா டாம் இந்த கருத்தினை முன்வைத்தார். இதன்போது அவர் மேலும் கூறுகையில்,

“உங்களுடன் இருப்பவர்களை அறிவது சுவாச நோயை ஏற்படுத்தும் வைரஸைத் தொற்றுவதிலிருந்து உங்களைப் பாதுகாக்காது.

கொரோனா வைரஸை கையாண்ட பல மாதங்களுக்குப் பிறகு அரசாங்க நிறுவனங்கள், முதலாளிகள் மற்றும் தனிநபர்கள் இப்போது கொவிட்-19 தொற்றை நன்கு புரிந்துகொள்கிறார்கள்.

எனவே கனேடியர்கள் எதிர்கொள்ளும் நிலைமை வசந்த காலத்தில் நோய் பரவலாக பரவத் தொடங்கிய காலத்திலிருந்து வேறுபட்டது” என கூறினார்.