அமெரிக்காவின் ஹவாய் மாநிலத்தில் இடம்பெற்ற விமான விபத்தில் 9 பேர் உயிரிழந்துள்ளனர்.

மத்திய பசிபிக் பெருங்கடல் பகுதியில் அமெரிக்காவின் ஹவாய் மாநிலம் அமைந்துள்ளது.

தீயை கக்கும் எரிமலைகள் மற்றும் ஏராளமான தீவு கூட்டங்களை உள்ளடக்கிய ஹவாய் மாநிலத்தின் மிகப்பெரிய நகரமாக ஓவாஹு விளங்கி வருகிறது.

ஓவாஹுவின் தலைநகரான ஹோனோலுலுவிலுள்ள டில்லிங்ஹாம் விமானத்தளம் அருகே பறந்துக் கொண்டிருந்த தனியாருக்கு சொந்தமான இரட்டை என்ஜின் விமானம் (உள்ளூர் நேரப்படி) நேற்று மாலை 6.30 மணியளவில் திடீரென்று கீழே விழுந்து நொறுங்கி தீப்பற்றி எரிந்து சாம்பலானது.

இந்த விபத்தில் விமானத்தில் 9 பேரும் உடல் கருகி உயிரிழந்தனர். இந்தநிலையில் இதுகுறித்த விசாரணைகள் தற்போது ஆரம்பிக்கப்பட்டுள்ளதாக தெரிவிக்கப்படுகின்றது.