கனடாவில் கடும் பனிபொழிவு நிலவிவரும் நிலையில் சில முக்கிய பகுதிகளில் பாடசாலைப் பேருந்து சேவைகள் ரத்துச் செய்யப்பட்டுள்ளதாக அறிவிக்கப்பட்டுள்ளது.கனடாவில் கடுமையான பனிப்பொழிவுடன், பனிப்புயலும் வீசிவருகின்ற நிலையில் உள்ளூர் நேரப்படி இன்று(செவ்வாய்கிழமை) அதிகாலை அங்கு வெப்பநிலை -14°C ஆக பதிவாகியுள்ளது.
வீதிகளை பனிக்கட்டிகள் மூடியுள்ளமை காரணமாக அங்கு போக்குவரத்துக்கள் கடுமையாக பாதிக்கப்பட்டுள்ளன.
இந்தநிலையில் Ottawa – Gatineau ஊடான பாடசாலைப் பேருந்து சேவை ரத்துச் செய்யப்பட்டுள்ளதாக அறிவிக்கப்பட்டுள்ளது.
இதன்காரணமாக மாணவர்கள் பாடசாலைகளுக்கு செல்வதில் கடும்சிரமங்களை எதிர்நோக்க நேரிடும் என கனடிய ஊடகங்கள் செய்தி வெளியிட்டுள்ளன.
