GSLV ரொக்கெட் மூலம், புவி கண்காணிப்பு மற்றும் வானிலை ஆய்வுகளுக்கான செயற்கைக்கோள், மார்ச் மாதம் 5ஆம் திகதி விண்ணில் ஏவப்படவுள்ளது.
இது தொடர்பாக இஸ்ரோ வெளியிட்டுள்ள அறிக்கையில், ஜி-சாட்-1 செயற்கைகோளை சுமந்து செல்லும் ஜி.எஸ்.எல்.வி – எப்10 ரொக்கெட், 14வது முறையாக விண்ணில் செலுத்தப்படவுள்ளதாக தெரிவிக்கப்பட்டுள்ளது.
ஸ்ரீஹரிகோட்டாவில் உள்ள சதீஷ் தவான் விண்வெளி ஆராய்ச்சி மையத்தின், இரண்டாவது ஏவுதளத்திலிருந்து, மார்ச்- 5ஆம் திகதி மாலை 5.43 மணிக்கு இந்த ரொக்கெட் விண்ணில் செலுத்தப்படவுள்ளது.
இரண்டாயிரத்து 275 கிலோ எடையுள்ள இந்த செயற்கைக்கோள் புவியை கண்காணிக்காகவும், வானிலை தரவுகளை ஆய்வு செய்வதற்காகவும் விண்ணில் நிலை நிறுத்தப்படும் என இஸ்ரோ தெரிவித்துள்ளது.
