இந்தியாவின் செல்வாக்குமிக்க 100 பிரபலமானவர்கள்பட்டியலில் நடிகர்களான ரஜினிகாந்த், அஜித், விஜய் ஆகியோர் இடம்பிடித்துள்ளனர்.
2019ம் வருடத்திற்கான போர்ப்ஸ் பட்டியல் வெளியாகியுள்ளது. குறித்த பட்டியலிலேயே மேற்படி தகவல்கள் தெரிவித்துள்ளன.
இந்த ஆண்டு ஈட்டப்பட்ட வருவாய் மற்றும் அவர்களின் புகழ் அளவை மையமாக வைத்து இந்த தரவரிசையை வெளியிட்டுள்ளது.
இந்த பட்டியலின்படி, முதலிடத்தில் கிரிக்கெட் வீரர் விராட் கோலி உள்ளார். இவர் 2019ம் ஆண்டில் 252 கோடி வருவாய் ஈட்டியுள்ளதாக தெரிவிக்கப்பட்டுள்ளது.
இரண்டாவது இடத்தில் அக்ஷய் குமாரும், மூன்றாவது இடத்தில் சல்மான் கானும் உள்ளனர். அதிகமாக பொலிவுட் நடிகர்களையும், கிரிக்கெட் வீரர்களையும் கொண்டுள்ள இந்த பட்டியலில் தமிழ் சினிமாவைச் சேர்ந்தவர்களும் இடம்பிடித்துள்ளனர்.
நடிகர் ரஜினிகாந்த் 13வது இடத்தை பிடித்துள்ளார். இசையமைப்பாளர் ஏ.ஆர் ரகுமான் 16வது இடத்தையும், நடிகர் விஜய் 47வது இடத்தையும் பிடித்துள்ளனர்.
நடிகர் அஜித் 52வது இடத்தையும், கமல்ஹாசன் 56வது இடத்தையும், தனுஷ் 64வது இடத்தையும் பிடித்துள்ளனர். அதேபோல், இயக்குநர் ஷங்கர், சிவா, கார்த்திக் சுப்பாராஜ் ஆகியோரும் பட்டியலில் இடம்பெற்றுள்ளனர்.
