12915 அரச ஊழியர்கள் மற்றும் ஆசிரியர்களின் தபால் வாக்கிற்கான விண்ணப்பப் படிவங்கள் நிராகரிக்கப்பட்டுள்ளதாக சென்னை உயர்நீதிமன்றத்தில் இந்திய தேர்தல் ஆணையம் தெரிவித்துள்ளது.இது குறித்து தேர்தல் ஆணையம் குறிப்பிடுகையில், 435003 பேருக்கு தபால் வாக்கிற்கான விண்ணப்பங்கள் வழங்கப்பட்ட நிலையில் அவற்றுள் 12915 விண்ணப்பங்கள் நிராகரிக்கப்பட்டுள்ளன என தெரிவித்துள்ளது.
இந்நிலையில், தமிழகத்தில் தபால் வாக்குகள் தொடர்பான அனைத்து விபரங்களையும் 2 நாட்களில் இணையத்தளத்தில் பதிவேற்றம் செய்ய வேண்டும் என நீதிமன்றம் உத்தரவிட்டுள்ளது.
அத்துடன் தபால் வாக்குகள் தொடர்பாக குழப்பத்தை ஏற்படுத்துவதை தடுக்க வேண்டும் எனவும் தேர்தல் ஆணையத்திற்கு உயர்நீதிமன்றம் அறிவுறுத்தியுள்ளது.
