காஷ்மீரின் புல்வாமா தாக்குதலை தொடர்ந்து இந்திய – பாகிஸ்தான் முறுகல் தீவிரமடைந்தது. இருநாடுகளும் மாறி மாறி தாக்குதல் நடத்த, இறுதியில் காஷ்மீர் எல்லைக்குள் பாகிஸ்தான் விமானங்கள் புகுந்தன. அதனை, இந்திய விமானப் படை வீரர்கள் விரட்டி அடித்தனர். அப்போது மிக் ரக விமானத்தில் சென்ற விமானப் படை வீரர் அபிநந்தன் வர்தமான், பாகிஸ்தான் இராணுவத்திடம் சிக்கி பெரும் போராட்டத்துக்குப் பின் மீண்டு வந்தார்.

கடந்த சில நாட்களாக  உணர்ச்சிபூர்வமாக நடந்தேறிய இந்த சம்பவங்கள், உலகளவில் பேசுபொருளாக காணப்படுகின்றன. இதனை அடிப்படையாகக் கொண்டு திரைப்படமாக்கும் முயற்சிகள் இடம்பெறுகின்றன.

பொலிவுட் திரைப்பட தயாரிப்பாளர்கள் இப்பணியில் மும்முரமாக ஈடுபட்டுள்ளதாகவும், பெயர் மற்றும் நடிகர் தேர்வு இடம்பெற்று வருவதாகவும் தெரிவிக்கப்படுகிறது.

எனினும், உணர்வுபூர்வமான இந்த விடயத்தை திரைப்படமாக்குவதற்கு சமூக வலைதளங்களில் கடுமையான விமர்சனங்களும் முன்வைக்கப்பட்டு வருகின்றன.