(பாண்டி)
தமிழர் திருநாளாம் தைப்பொங்கல் தினத்தினை முன்னிட்டு மட்டக்களப்பு பேத்தாழை வாழைச்சேனை ஸ்ரீ வீரையடி விநாயகர் ஆலய நிர்வாக சபையினரினால் பிரதேச மக்களுக்கான பொங்கலுக்கான பொருட்கள் வழங்கி வைக்கும் நிகழ்வு இன்று காலை இடம்பெற்றது.
ஆலயத் தலைவர் சா.யோகச்சந்திரன் தலைமையில் நடைபெற்ற நிகழ்வில் கிண்ணையடி,தியாவட்டவான் பேத்தாழை,வாழைச்சேனை போன்ற பிரதேசங்களைச் சேர்ந்த மக்களுக்கு பொங்கல் பொருட்கள் வழங்கி வைக்கப்பட்டது. குறித்த நிகழ்வில் ஆலயகுரு சிவஸ்ரீ எம்.சண்முகம் குருக்கள் கலந்துகொண்டார்.
