சீரற்ற காலநிலை காரணமாக மட்டக்களப்பு
மாவட்டத்தில் தாழ்நிலங்கள் வெள்ளத்தில் மூழ்கி வருவது மட்டுமின்றி வெள்ளநீர்
வழிந்தோடும் நிலையும் காணப்படுகின்றது.
கடந்த சில தினங்களாக பெய்து வரும்
கடும்மழை காரணமாக மட்டக்களப்பு மாவட்டத்தில் குறிப்பாக படுவான்கரைக்கான
போக்குவரத்துக்கள் துண்டிக்கப்பட்டுள்ளதை காணமுடிவதுடன் மக்கள் மிகவும்
கஷ்டங்களுக்கு மத்தியிலே போக்கவரத்துக்களை மேற்கொண்டு வருகின்றனர்.
களுவாஞ்சிகுடியிலிருந்து
வெல்லாவெளிக்கு செல்லும் பிரதான வீதி பழுகாமம் மண்டுர் மற்றும் காக்காச்சிவட்டை
பிரதான வீதி என்பன வெள்ளம் பாய்வதன் காரணமாக போக்குவரத்தை மேற்கொள்வதில் மக்கள்
பெரும் சிரமங்களை எதிர்நோக்கி வருகின்றனர்.
இந்நிலமையில் நேற்று மாலை மட்டக்களப்பு
முகத்து வாரத்தில் ஆற்றுவாய் வெட்டப்பட்டுள்ளதனால் வெள்ளநீர் கடலுக்குள்
செல்கின்றது.இதனால் வெள்ளம் படிப்படியாக குறைந்து வருவதை காணமுடிகின்றது.
