LATEST NEWS

Sri Lanka

Colombo booked.net
+25°C

Canada (Toronto)

Toronto booked.net
+C

USA (Newyork)

New York booked.net
+14°C

UK (London)

London booked.net
+12°C

Australia (Sydney)

Sydney booked.net
+13°C



ஆன்மிகம்

பலதும் பத்தும்

Thursday, May 14, 2020

சுகாதாரப் பணியாளர்கள் ‘உண்மையான நாயகர்கள்’: முதல்வர் டக் ஃபோர்ட்

கொரோனா வைரஸ் (கொவிட்-19) தொற்றுநோயைக் கட்டுப்படுத்துவதற்கான ஒன்றாரியோ மாகாணத்தின் போராட்டத்தில் சுகாதாரப் பணியாளர்கள் ‘உண்மையான நாயகர்கள்’ என முதல்வர் டக் ஃபோர்ட் தெரிவித்துள்ளார்.
கொரோனா தொற்று காரணமாக பல வசதி மையங்களில் பணியிடங்களில் வெற்றிடங்கள் ஏற்பட்டுள்ளன. இதனால் பயனாளிகளுக்கு சேவைக் குறைபாடுகள் ஏற்பட்டுள்ளன. இதுகுறித்து முதல்வர் டக் ஃபோர்ட்; கூறுகையில்,
‘நமது மருத்துவமனை ஊழியர்கள், நீண்டகால பராமரிப்பு இல்லங்கள், ஓய்வூதிய இல்லங்கள் மற்றும் குழு வீடுகள், வீடற்ற தங்குமிடங்கள் மற்றும் பெண்களின் தங்குமிடங்கள் மற்றும் பிற சபை வசதிகளின் உதவிக்கு வருமாறு நமது கல்வித் தொழிலாளர்களுக்கு அழைப்பு விடுத்துள்ளோம்’ என கூறினார்.
இணையக் கற்றல் நடவடிக்கைகளில் ஈடுபடாத கல்வித் தொழிலாளர்களை முன் வரிசை வசதிகளில் தன்னார்வத் தொண்டு செய்யுமாறு அரசாங்கம் கேட்டுக் கொண்டுள்ளது.
தன்னார்வ பதவிகளில் காவலர், பராமரிப்பு, உணவு தயாரித்தல், குழந்தைகள் மற்றும் இளைஞர் சேவை ஊழியர்கள், சமூக சேவையாளர்கள் மற்றும் கல்வி உதவியாளர்கள் காலியிடப்பணிகள் உள்ளன.
ஒன்றாரியோவில் இதுவரை கொரோனா வைரஸ் தொற்றுக்கு 21,236பேர் பாதிக்கப்பட்டுள்ளனர். 1,765பேர் உயிரிழந்துள்ளனர்.


 
Copyright © 2018 தட்டுங்கள்
Powered by WordPress24x7