கனேடிய ஆயுதப்படைகளின் மோசமான அறிக்கைக்குட்பட்ட நான்கு பராமரிப்பு வீடுகள் உட்பட, மாகாணத்தின் மிக மோசமான பாதிப்புக்குள்ளான நீண்டகால பராமரிப்பு இல்லங்களை மாகாணம் கையகப்படுத்தும் என்று மாகாண முதல்வர் டக் ஃபோர்ட் அறித்துள்ளார்.
பராமரிப்பு இல்லங்களில் பராமரிப்புகள் மோசமாக உள்ளதாக எழுந்த புகார் குறித்து கருத்து தெரிவிக்கையிலேயே அவர் இந்த அறிவிப்பினை வெளியிட்டார். இதன்போது அவர் மேலும் கூறுகையில்,
‘இது உடனடியாக நடைமுறைக்கு வரும். நாங்கள் தற்போது மிகவும் அக்கறை கொண்டுள்ள இந்த அமைப்பில் உள்ள ஐந்து கூடுதல் பராமரிப்பு இல்லங்களில் நிர்வாகத்தை கையகப்படுத்தும் செயல்முறையைத் தொடங்கினோம். அந்த பராமரிப்பு இல்லங்களில் எட்டோபிகோக்கில் ஈட்டன்வில் கேர், நோர்த் யார்க்கில் ஹாவ்தோர்ன் பிளேஸ், ஸ்கார்புரோவில் அல்தமவுண்ட் கேர், பிக்கரிங்கில் ஆர்ச்சர்ட் வில்லா மற்றும் மிசிசாகாவில் கமிலா கேர் ஆகியவை அடங்கும்.
நாம் ஏற்கனவே இரண்டு பராமரிப்பு இல்லங்களைக் கையகப்படுத்தியுள்ளோம். ஏனென்றால் அவை குறித்து, நமக்கு கவலைகள் இருந்தன. இப்போது நாங்கள் இந்த பராமரிப்பு இல்லங்களையும் கையகப்படுத்த நடவடிக்கை எடுக்கிறோம். ஏனெனில், அந்தக் குற்றச்சாட்டுகளுக்கு முகங்கொடுக்கும் போது, சில சிக்கல்களை எதிர்கொண்டு, ஒவ்வொரு நடவடிக்கையும் நாம் எடுப்போம்.
ஐந்து பராமரிப்பு இல்லங்களுக்கு தலா இரண்டு ஆய்வாளர்களின் ஆறு குழுக்களை மாகாணம் அனுப்பும். அந்த ஆய்வாளர்கள் இரண்டு வாரங்களுக்கு விரிவாக்கப்பட்ட மற்றும் கடுமையான ஆய்வு மற்றும் கண்காணிப்பை மேற்கொள்வார்கள் என்றும், அந்த காலகட்டத்தில், ஒவ்வொரு அணியிலிருந்தும் குறைந்தபட்சம் ஒரு ஆய்வாளர் நியமிக்கப்பட்ட பராமரிப்பு இல்லத்தில் தங்கியிருப்பார். ஊழியர்கள் மற்றும் குடியிருப்பாளர்களுடன் ஆழ்ந்த நேர்காணல்களை நடத்துதல், விளக்கப்படங்கள் மற்றும் பதிவுகளை மறுஆய்வு செய்தல் மற்றும் அவர்களின் கண்டுபிடிப்புகளை மீண்டும் அறிக்கையளித்தல் ஆகியவற்றுடன் ஆய்வாளர்கள் பணிபுரிவார்கள்’ என கூறினார்.
