LATEST NEWS

Sri Lanka

Colombo booked.net
+25°C

Canada (Toronto)

Toronto booked.net
+C

USA (Newyork)

New York booked.net
+14°C

UK (London)

London booked.net
+12°C

Australia (Sydney)

Sydney booked.net
+13°C



ஆன்மிகம்

பலதும் பத்தும்

Sunday, May 3, 2020

கொவிட்-19 எதிரொலி: கனடா தின நிகழ்வுகள் அனைத்தும் இரத்து!

கொரோனா வைரஸ் அச்சுறுத்தல் காரணமாக, கனடா தின நிகழ்வுகள் அனைத்தும் இரத்து செய்யப்படும் என ரொறன்ரோ நகர சபை உறுதிப்படுத்தியுள்ளது.

பட்டாசு வானவேடிக்கைக் காட்சிகள் உட்பட அனைத்து நேரடிக் கனடா தின நிகழ்வுகளும் இரத்து செய்யப்படுவதால், அதற்கு பதிலாக, நாடு உருவான நாளை ‘மெய்ந்நிகர் கனடா தின கொண்டாட்டங்களுடன்’ நகரம் கொண்டாடும் என்று அதிகாரிகள் தெரிவித்துள்ளனர்.

இதுகுறித்து ரொறன்ரோ நகர சபை வெளியிட்டுள்ள அறிக்கையில், ‘கொரோனா வைரஸ் பரவுவதைத் தடுக்க மற்றும் உயிர்களைக் காப்பாற்ற சுகாதார மருத்துவ அதிகாரியின் பரிந்துரைகளின் அடிப்படையில், 2020 ஜூலை 1ஆம் திகதி தேசிய மெய்நிகர் கனடா தினத்தைக் கொண்டாடுவதில் ரொறன்ரோ நகரம், கனடா முழுவதும் உள்ள பிற நகராட்சிகளில் சேர்ந்து கொண்டாடும்’ என தெரிவிக்கப்பட்டுள்ளது.

இரத்து செய்யப்பட்ட நிகழ்வுகளில் ஆஷ்பிரிட்ஜ் விரிகுடா, நூற்றாண்டுப் பூங்கா, மில்லிகன் பூங்கா, ஸ்டான் வாட்லோ பூங்கா மற்றும் வெஸ்டன் லயன்ஸ் பூங்காவில் வாணவேடிக்கைக் காட்சிகள் ஆகியவை அடங்கும்.

மெல் லாஸ்ட்மேன் சதுக்கத்தில் கொண்டாட்டங்கள், ஸ்கார்பாரோவின் ஆண்டு நிகழ்வு, நூற்றாண்டு பூங்காவின் கொண்டாட்டம் மற்றும் ஈஸ்ட் யார்க் கனடா தின அணிவகுப்பு மற்றும் திருவிழாவும் ரத்து செய்யப்படும்.

ரொறன்ரோவைக் காண்பிக்கும் மெய்நிகர் கனடா தின கொண்டாட்டங்களைத் திட்டமிட, முக்கிய பங்காளிகளான ஹார்பர்ஃபிரண்ட் சென்டர், டோலிவ் மற்றும் சி.என் டவர் உள்ளிட்ட நமது நாட்டின் பிறந்தநாளைக் கொண்டாட பாரம்பரியமாக பங்கெடுக்கும் பல சமூக மற்றும் கலாச்சார அமைப்புகளுடன் இணைந்து பணியாற்ற ரொறன்ரோ நகர சபை எதிர்பார்க்கிறது.

 
Copyright © 2018 தட்டுங்கள்
Powered by WordPress24x7