பிரித்தானியப் பிரதமர் தெரேசா மே-யினால் முன்வைக்கப்பட்டுள்ள புதிய பிரெக்ஸிற் ஒப்பந்தம் அயர்லாந்தால் ஏற்கக்கூடியதாக அமைந்துள்ளதாக ஐரிஷ் பிரதமர் லியோ வராத்கர் தெரிவித்துள்ளார்.மூன்றுமுறை பிரித்தானிய பாராளுமன்றத்தால் தோற்கடிக்கப்பட்ட பிரதமர் மே-யின் ஒப்பந்தம் நான்காவது முறையாக ஜூன் மாத ஆரம்பத்தில் மீண்டும் பாராளுமன்ற வாக்கெடுப்புக்கு உட்படுத்தப்படவுள்ளது.
எதிர்க்கட்சியினதும் பாராளுமன்ற உறுப்பினர்களதும் ஆதரவைப் பெறுவதற்காக மாற்றங்களுடன் கூடிய புதிய பிரெக்ஸிற் ஒப்பந்தத்தை நேற்றையதினம் பிரதமர் வெளியிட்டார்.
பிரதமர் மே-யினால் முன்வைக்கப்பட்டுள்ள ஐரிஷ் எல்லை தொடர்பான கொள்கையை உள்ளடக்கிய புதிய பிரெக்ஸிற் ஒப்பந்தம் தம்மால் ஏற்றுக்கொள்ளக்கூடியது என ஐரிஷ் பிரதமர் தெரிவித்துள்ளார்.
