இந்தியாவின் 17ஆவது மக்களவைத் தேர்தல் நடந்து முடிந்துள்ள நிலையில் தனிப்பெரும்பான்மையுடன் மோடி மீண்டும் ஆட்சியமைக்கவுள்ளார்.

இந்நிலையில், தமிழகம் மற்றும் புதுச்சேரியில் தி.மு.க., காங்கிரஸ் கூட்டணி வரலாற்று வெற்றியைப் பெற்றுள்ளது.

அந்தவகையில், 37 தொகுதிகளில் தி.மு.க. கூட்டணி அமோக வெற்றிபெற்றுள்ளதுடன், அ.தி.மு.க. தேனி தொகுதியில் மாத்திரம் வெற்றிபெற்றது.

இதனிடையே, தமிழகத்தின் 39 தொகுதிகளிலும் மூன்றாவது இடத்தை மூன்று கட்சிகள் பகிர்ந்துகொண்டிருக்கின்றன.

ஒட்டுமொத்தமாக அ.ம.மு.க. 5.16% வாக்குகளோடு 3ஆவது இடத்தைப் பெற்றுள்ளது. அத்துடன் நாம் தமிழர் கட்சி 3.89 சதவீதமும், மக்கள் நீதி மய்யம் 3.72 சதவீதமும் வாக்குகளைப் பெற்றுள்ளன.

இதன்படி, அ.ம.மு.கழகம் அரக்கோணம், தருமபுரி, திருவண்ணாமலை, ஆரணி, விழுப்புரம், கள்ளக்குறிச்சி, திண்டுக்கல், திருச்சி, கடலூர், சிதம்பரம், மயிலாடுதுறை, நாகப்பட்டினம், தஞ்சாவூர், சிவகங்கை, மதுரை, தேனி, விருதுநகர், ராமநாதபுரம், தூத்துக்குடி, தென்காசி மற்றும் திருநெல்வேலி ஆகிய 21 இடங்களில் 3 ஆவது இடத்தை பெற்றுள்ளது.

அத்துடன், நாம் தமிழர் கட்சி காஞ்சிபுரம், கிருஷ்ணகிரி, நாமக்கல், கரூர், பெரம்பலூர் மற்றும் கன்னியாகுமரி ஆகிய 6 தொகுதிகளில் 3ஆவது இடத்தை பெற்றுள்ளது.

அதேபோல், மக்கள் நீதி மய்யம் திருவள்ளூர், வட சென்னை, மத்திய சென்னை, தென் சென்னை, ஸ்ரீபெரும்புதூர், சேலம், ஈரோடு, திருப்பூர், நீலகிரி, கோயம்புத்தூர், பொள்ளாச்சி மற்றும் புதுச்சேரி ஆகிய தொகுதிகளில் 3அவது இடத்தை பெற்றுள்ளது.

தொகுதி வாரியான வாக்கு விவரங்கள் வருமாறு,

தொகுதி                                            அ.ம.மு.க. (%)                  நாம் தமிழர்                           ம.நீ.ம.
அரக்கோணம்                                       5.67                                               2.49                                         2.02
ஆரணி                                                        4.05                                               2.83                                         1.29
மத்திய சென்னை                              3.02                                               3.93                                       11.74
வட சென்னை                                       3.48                                               6.33                                         10.8
தென் சென்னை                                  2.62                                               4.46                                       12.03
சிதம்பரம்                                                   5.4                                                3.25                                        1.33
கோவை                                                     3.04                                               4.84                                         11.6
கடலூர்                                                        4.3                                                 3.33                                        2.27
தருமபுரி                                                     4.39                                               1.61                                         1.28
திண்டுக்கல்                                           5.42                                                4.74                                        3.34
ஈரோடு                                                       2.42                                                3.65                                         4.47
கள்ளக்குறிச்சி                                      4.17                                                2.51                                         1.21
காஞ்சிபுரம்                                             4.46                                               5.07                              போட்டியில்லை
கன்னியாகுமரி                                    1.18                                                1.63                                         0.82
கரூர்                                                             2.82                                               3.49                                          1.45
கிருஷ்ணகிரி                                        0.76                                                2.41                                          1.46
மதுரை                                                       8.44                                                4.22                                         8.37
மயிலாடுதுறை                                   6.29                                                3.74                                          1.55
நாகப்பட்டினம்                                    7.02                                                 5.13                                          1.45
நாமக்கல்                                                 2.06                                                  3.4                                          2.73
நீலகிரி                                                        4                                           போட்டியில்லை                    4.07
பெரம்பலூர்                                           4.13                                                  4.86                          போட்டியில்லை
பொள்ளாச்சி                                        2.46                                                   2.91                                           5.52
ராமநாதபுரம்                                        13.3                                                   4.35                                            1.4
சேலம்                                                         4.17                                                     2.7                                          4.67
சிவகங்கை                                             11.3                                                  6.66                                           2.11
ஸ்ரீபெரும்புதூர்                                   2.95                                                   6.04                                          9.63
தென்காசி                                              8.64                                                    5.58                                          2.25
தஞ்சாவூர்                                               9.71                                                     5.47                                          2.22
தேனி                                                        12.28                                                    2.37                                           1.44
திருவள்ளூர்                                          2.41                                                    4.65                                           5.24
தூத்துக்குடி                                           7.75                                                     4.97                                           2.59
திருச்சி                                                      9.62                                                    6.23                                           4.02
திருநெல்வேலி                                    5.98                                                      4.8                                           2.22
திருப்பூர்                                                   3.91                                                    3.77                                            5.78
திருவண்ணாமலை                        3.35                                                    2.39                                            1.27
விழுப்புரம்                                              5.11                                                     2.17                                            1.58
விருதுநகர்                                            10.01                                                    4.94                                             5.3