கிழிந்து போன சேலையதுகுழந்தை தூங்கப் போர்வை - கையில்
அழிந்து போன ரேகைகூட
ஆயுள் பார்க்கத் தேவை - இலை
உதிர்ந்து போன பூமரமும்
உறுதி செய்யும் விறகை - நிலை
உடைந்து போன சாளரமும்
ஊஞ்சல் கட்டும் பலகை - தினம்
உண்டு வீசும் சாதம்கூட
ஒரு சிலரின் அமிர்தம் - பலர்
உடுத்து வீசும் ஆடைசிலர்
உடல் மறைக்கும் புனிதம் - அட
வேசம் இன்றி நாய்கூட
வீடு காக்கும் தினமும் - நாம்
வீசுகின்ற குப்பை பயிர்
வேர் பிடிக்க உதவும் -பட்டுக்
குஞ்சம் கிழி சட்டையது
குரங்குப் பொம்மை ஆடை -நாம
குடித்து வீசும் கோம்பைகூட
குருவி நீந்தும் ஓடை - இங்கு
கழித்து வைத்த கல்லுக்கூட
கட்டிடத்திற் குதவும் - இதை
கடைசி வரை நமது மனம்
கண்டு கொள்ளத் தவறும் - நீங்கள்
கடந்து செல்லு
கழிவு போலத் தோன்றும் - நன்கு
கவனித்த ஒருத்தர் மனம்
கவிதை எனப் போற்றும்
மயூ-
