தேர்தல் முடிவுகளுக்கு பின்னரான நகர்வுகள் குறித்து ஆந்திர முதலமைச்சர் சந்திரபாபு நாயுடு காங்கிரஸ் தலைவர் ராகுல் காந்தியை சந்தித்து ஆலோசனை நடத்தியுள்ளார்.

குறித்த சந்திப்பு டெல்லியில் உள்ள காங்கிரஸ் தலைவர் ராகுல் காந்தியின் இல்லத்தில் இடம்பெற்றது.

இந்த சந்திப்பின் போது மே மாதம் 23 இல் இடம்பெறவுள்ள எதிர்கட்சி ஆலோசனை கூட்டம் குறித்து கலந்துரையாடப்பட்டுள்ளது.

இதற்கு முன்னதாக டெல்லி முதலமைச்சர் அரவிந்த் கெஜ்ரிவால் உள்ளிட்ட அரசியல் தலைவர்களை சந்தித்து கலந்துரையாடியிருந்தார்.

இந்திய நாடாளுமன்ற தேர்தல் இறுதிகட்டத்தை எட்டியுள்ளதுடன் எதிர்வரும் 23ஆம் திகதி வாக்குகள் எண்ணப்படவுள்ளன.

இந்நிலையில் இந்த தேர்தலில் பா.ஜ.கவே வெற்றிப்பெறும் என ஒருத்தரப்பினர் கூற இன்னொரு தரப்பினர் காங்கிரஸ் பெரும்பான்மையுடன் ஆட்சியமைக்கும் என்று கூறிவருகின்றனர்.

பலத்த போட்டிகளுக்கு மத்தியில் இடம்பெற்றுவரும் இந்த ஜனநாய திருவிழாவில் பா.ஜ.கவை வீழ்த்தி வெற்றிபெரும் முனைப்புடன் ஆந்திர முதல்வர் பல அரசியல் கட்சி தலைவர்களுடன் ஆலோசனை கூட்டம் நடத்திவருகின்றமை குறிப்பிடத்தக்கது.