ஜம்மு காஷ்மீரில் விமானப்படை வீரர்களை ஏற்றிச்சென்ற வாகனம் விபத்துக்குள்ளானதில் 2 விமானப்படை வீரர்கள் உயிரிழந்துள்ளனர். அத்துடன் இருவர் காயமடைந்துள்ளனர்.

ஜம்மு காஷ்மீர் மாநிலம், அவந்திபோரா பகுதியில் அமைந்துள்ள இந்திய விமானப்படை முகாமிலிருந்து இன்று (வியாழக்கிழமை) விமானப்படை வீரர்கள் வாகனம் ஒன்றில் அழைத்துச் செல்லப்பட்டனர்.

இதன்போது குறித்த வாகனம் விபத்தில் சிக்கியதில் அதில் பயணம் செய்த 2 விமானப்படை வீரர்கள் உயிரிழந்ததுடன் இருவர் காயமடைந்துள்ளதாக அதிகாரிகள் தெரிவித்துள்ளனர்.

இந்த வாகன விபத்துக்கான காரணம் குறித்து விசாரணை நடத்தி வருகின்றனர்.