‘To Let’ திரைப்படம் சென்னையில் வீடு தேடி அலையும் நடுத்தர குடும்பத்தை பற்றிய கதைக்களத்துடன் உருவானது.

இத்திரைப்படம் வெளியிட்டு இன்றுடன் (செவ்வாய்க்கிழமை) 25 நாட்கள் கடந்துள்ள நிலையில், இதன் வெற்றியை படக்குழுவினர் கொண்டாடி வருகின்றனர்.

இத்திரைப்படத்தினை கல்லூரி, பரதேசி, தாரதப்பட்டை, ஜோக்கர் உள்ளிட்ட படங்களுக்கு ஒளிப்பதிவு செய்த செழியன் இயக்கியுள்ளார்.

‘To Let’ (டூலெட்) திரைப்படத்தில் செழியனின் உதவியாளர் சந்தோஷ் நாயகனாக நடிக்க, ஷீலா நாயகியாக நடித்துள்ளார். இவர்களது மகனாக தருண் என்ற சிறுவன் நடித்துள்ளார். இந்த படம் கடந்த ஆண்டுக்கான சிறந்த தமிழ் திரைப்படம் என்ற தேசிய விருது பெற்றது.

மேலும், பல்வேறு திரைப்பட விழாக்களில் கலந்துகொண்டு 32 விருதுகளையும் இத்திரைப்படம் பெற்றுக் கொண்டது.